قررت محكمة جنايات القاهرة، المنعقدة بالتجمع الأول، منذ قليل، تأجيل محاكمة مضيفة الطيران سابقة وخبيرة في علم الطاقة والروحانيات تونسية الجنسية تُدعي «أ.ح»، لاتهامهما بقتل ابنتها في منطقة التجمع الأول بالقاهرة، لمرافعة الدفاع خلال جلسة 29 مايو.
تعقد الجلسة برئاسة المستشار وجية حمزة شقوير، وعضوية المستشارين كامل سمير كامل، وسامح العنتبلي، وشريف سامى، وأمانة سر وليد فراج، ومحمود ممدوح.
وأمرت النيابة العامة بإحالة القضية رقم 12146 لسنة 2023 جنايات التجمع الأول إلى المحكمة الجنائية المختصة لمعاقبة المتهمة «أ.ح» مضيفة طيران تونسية الجنسية، وذلك لاتهامهم بقتل ابنتها، واعترفت المتهمة بإرتكاب جريمة القتل أمام جهات التحقيق، وأنهت حياة ابنتها قائلة؟ «الأوامر الإلهية جاتلى كده»، وتابعت: «يوم الجريمة تشاجرت مع زوجي وكان نايم بره في الريسبيشن، لأني طلعته بره الأوضة وقلتله عاوزة هدوء عشان حان وقتي للذهاب إلى السماء، وبعدها حدثت مشادة بيننا وأكدت له إني بمجرد نومي هأبقى كويسة».
وأكملت المتهمة أمام جهات التحقيقات، يوم الواقعة كان هناك شرطًا لصعودي إلى الرفيق الأعلى، وهو إني «أخذ بنتي معايا مسبهاش مع باباها، وكان لازم أضحّي بيها في الدنيا في سبيل إنها تعيش الدنيا الثانية اللي أنا رايحالها»، استكملت «لقيت شنطتي في الأوضة فقررت إني أقصّ الحزام بتاعها وروحت خانقاها بيها، وهي ماتت بشكل هادئ، وكان معايا سكينة صغيرة جبتها من المطبخ ضربت بيها نفسي في رقبتي كذا ضربة، وبعدها زوجي حاول ينقذني، وأغمى عليا وفوقت وأنا في المستشفى».
